Loading…

Rama reagon sërish për tragjedinë në Himarë: Ata që duan ta kthejnë këtë vdekje në luftë politike, tregon shëmtinë e pacipë të shpirtit të tyre

  • 03/08/2022 | 12:26

Rama reagon sërish për tragjedinë në Himarë: Ata që duan ta kthejnë këtë vdekje në luftë politike, tregon shëmtinë e pacipë të shpirtit të tyre

Kryeministri i Shqipërisë, Edi Rama ka reaguar sërish lidhur me tragjedinë që ndodhi dje në Himarë, ku një 7 vjeçare humbi jetën si pasojë e goditjes nga një skaf, derisa e njëjta ishte duke u larë në det.


Rama përmes një sërë postimesh në Twitter, ka shkruar se tragjedia e djeshme ka tronditur të madh e të vogël dhe ka krijuar një ndjenjë të rëndë shqetësimi, ndërkohë që Policia e Shtetit po merr të gjitha masat për të reaguar shumë më fort ndaj sfidës së garantimit të rendit ligjor jo vetëm në qarkullimin rrugor, po edhe atë ujor.

“Shkarkimi i gjithë trupës së drejtorisë së kufirit Vlorë dhe vendosja e një fokusi të shtuar mbi qarkullimin ujor, janë hapat e duhur që do të pasohen nga hapa të tjerë, në kushtet kur rritja e përvitshme e numrit të mjeteve lundruese përbën një sfidë të vazhdueshme për të gjithë”, ka shkruar Rama.

Ai ka adresuar edhe kritika ndaj atyre që thanë se shteti ka dështuar me krijimin e kushteve të sigurisë për këtë sezonë turistike, duke thënë se ky është sezoni më i organizuar, më i rregullt e më i pastër turistik ndonjëherë falë punës së palodhur që kemi nisur qysh shtatorin e shkuar.

“ Ishte deri dje edhe sezoni më i qetë e më i sigurte ,me plazhet publike dhe rrjetin e vrojtuesve të plazhit organizuar si asnjëherë tjetër! Vizioni i Shqipërisë turistike dhe ambicia që kjo të jetë dekada e kthimit të vendit tonë në kampionin rajonal të turizmit, lidhet edhe me rritjen e lartë të mjeteve lundruese dhe sfidën e disiplinimit të tyre, që nuk është një fjalë goje në një vend ku deri dje ato s’ekzistonin! Sa për çetat e udhëhequra nga nongratat dhe nga ata me identitet të dyfishtë që kërkojnë ta kthejnë këtë vdekje tragjike në motiv lufte politike, kjo s’është as e para as e fundit herë kur një fatkeqësi që trondit shoqërinë, ekspozon shëmtinë e pacipë të shpirtit të tyre”, ka shkruar Rama.

Kryeministri ka uruar edhe njëherë që drejtësia t’i japë ndëshkimin më ekstrem fajtorit për këtë tragjedi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë