Rama u reagon Kombeve të Bashkuara: S’është marrëveshje mes Prishtinës e Beogradit, po Kosovës dhe Serbisë
-
21/03/2023 | 22:43
Kryeministri i Shqipërisë, Edi Rama u ka reaguar Kombeve të Bashkuara, për marrëveshjen e Ohrit duke thënë se kjo s’është marrëveshje mes Prishtinës e Beogradit, po Kosovës dhe Serbisë, shkruan Gazeta Metro.
Kombet e Bashkuara janë deklaruar rreth marrëveshjes së Ohrit, duke iu referuar si akord i normalizimit mes Beogradit dhe Prishtinës.
Kjo ka ngjallur reagimin e kryeministrit shqiptar, Edi Rama, që përmes një cicërime në rrjetin social Twitter, shprehu indinjatën e tij me një apostrofim të tillë.
Ai ka pyetur nëse kjo është një lapsuz apo gabim serioz, ndërsa ka thënë se do të ishte e papranueshme nëse Sekretari Gjeneral i Kombeve të Bashkuara do ta përdorte këtë emërtim qëllimisht.
Në fund fare ai kërkoi edhe sqarime lidhur me këtë “huqje” të Kombeve të Bashkuara.
Më poshtë postimi i plotë i tij. /gazetametro.net
'Belgrade and Pristina'?! A serious mistake or a lapse? The official name of it is 'The Agreement on the Path to Normalization between Kosovo and Serbia', and it would be unacceptable if the SG did not use this proper name deliberately. Please provide clarification promptly. pic.twitter.com/n48UMyklS1
— Edi Rama (@ediramaal) March 21, 2023
