Rama uron Trumpin

Kryeministri shqiptar Edi Rama nuk ka vonuar shumë dhe ka reaguar për ngjarjen që po tërheq vëmendjen e gjithë botës, zgjedhjes së Donald Trumpit President të Amerikës.

“Populli amerikan bëri sot zgjedhjen e tij. Një mike e madhe e Shqipërisë, Kosovës dhe gjithë shqiptarëve, Hillary Clinton, nuk i’a doli dot të bëhet Presidentja e parë grua në historinë e Shteteve të Bashkuara.”, ka thënë Rama.

Ai poashtu shtoi se kundërshtari i saj, Donald Trump, u zgjodh Presidenti i dyzetëpeste i SHBA-ve, duke e bindur sovranin të votojë alternativën e tij, pas një debati të pazakonshëm brenda e jashtë Shteteve te Bashkuara te Amerikes, raporton gazetametro.net

Rama në fund tha se ka bindjen se marredhenia strategjike e Shqipërisë me Shtetet e Bashkuara, do të vijojë të forcohet në funksion të vlerave e të interesave të përbashketa, të cilat e bëjnë Shqiperinë nje mik e aleat të çmuar të popullit e të qeverisë amerikane./gazetametro.net