Rama: Ushtria serbe në kufi të Kosovës e ka fuqinë zero, si Meksika në kufi të SHBA’së

Kryeministri i Shqipërisë , Edi Rama , ka komentuar shtimin e pranisë së ushtrisë që Serbia e ka bërë në kufi me Kosovën.

Rama ka krahasuar ushtrinën e Serbisë në kufi me Kosovën me Meksikën, duke thënë se fuqia e saj është e barabartë me zero.

“Ky është shou më i pabesueshëm emocional i politikave të brendshme sepse ushtria e Serbisë në kufi me Kosovën, ka fuqinë e barabartë me zero. Kjo i bie sikur ushtria e Meksikës të shfaqet në kufi me Shtetet e Bashkuara të Amerikës. Pra çka mund të bëjë ? Me gjithë respektin për Meksikën. Nuk mund të bëjë asgjë. Kjo është thjeshtë për politikë të brendshme. Ka shumë të bëjë me politikën e brendshme, në atë që po ndodh në veri të Kosovës”, tha Rama si panelist në Forumin “Globsec” që po mbahet në Bratisllavë të Sllovakisë.