Loading…

Rama viziton Thaçin në Hagë: Ishte në top-formë dhe i bindur se do dëshmohet pastërtia e luftës çlirimtare

  • 10/05/2022 | 14:52

Rama viziton Thaçin në Hagë: Ishte në top-formë dhe i bindur se do dëshmohet pastërtia e luftës çlirimtare

Kryeministri i Shqipërisë, Edi Rama, është deklaruar pas takimit që pati sot me ish-presidentin Hashim Thaçi të cilin e vizitoi në godinën ku po qëndron në paraburgim në Hagë.


Rama u shpreh se ish-presidentin Thaçi e gjeti siç tha në top-formë, dhe i bindur se rruga për në Gjykatën Speciale, ishte e pashmangshme për të dëshmuar drejtësinë dhe pastërtinë e luftës çlirimtare, përcjell klankosova.tv.

”Ishte një çmallje e nevojshme. Presidentin Thaçi e gjeta në topformë, i bindur mbase edhe më shumë sesa e kam takuar përpara se të vinte këtu, se kjo ishte një rrugë e pashmangshme për të provuar katërcipërisht përpara drejtësisë pastërtinë e plotë të luftës çlirimtare dhe natyrisht edhe pastërtinë e idealit të luftëtarëve të UÇK-së dhe të udhëheqësve të UÇK-së”.

”Nuk ka shumë për të thënë, natyrisht që të gjithë ne jemi të bindur se lufta çlirimtare e Kosovës nuk mund të rishkruhet dhe as nuk mund kurrsesi të futet në korniza të tjera sepse ajo është tanimë e future në kornizën e artë të heroizmit, sakrificave të gjakut të dhënë dhe natyrisht të të gjitha përpjekjeve që kanë vijuar më tej për Kosovën e lirë, demokratike dhe sovrane”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë