Loading…

‘Ramiz Lladrovci do të vazhdojë të jetë kryetar i Drenasit për ta zhvilluar edhe më tej këtë komunë’

  • 06/11/2021 | 21:27

‘Ramiz Lladrovci do të vazhdojë të jetë kryetar i Drenasit për ta zhvilluar edhe më tej këtë komunë’

Kryetari i PDK-së, Memli Krasniqi ka qëndruar sonte në Drenas, ku tha se pa një entuziazëm e vendosmëri të jashtëzakonshme për fitoren e madhe të PDK-së dhe kryetarit Ramiz Lladrovci më 14 nëntor.


Krasniqi përmes një postimi në Facebook, thekson se qeverisja e mirë dhe transparente e Ramiz Lladrovcit, e vlerësuar si model nga institucionet qendrore të Republikës së Kosovës dhe nga ndërkombëtarët, si dhe nga qytetarët e Drenasit është garancë për të vazhduar të jetë kryetar edhe për një mandat.

“Andaj, Ramiz Lladrovci do të vazhdojë të jetë kryetar i Drenasit, sepse e ka mbështetjen e të gjithë atyre votuesve që duan perspektivë e projekte zhvillimore në këtë komunë, pavarësisht interesave të ngushta klanore e oponentëve të pandershëm që mundohen t’i tjetërsojnë këto fakte me shpifje. Partia Demokratike e Kosovës në Drenas, në këtë bastion tonin të pathyeshëm ka vetëm një adresë – numrin e fitores 177.”, shkruan Krasniqi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë