Loading…

Reagon Agron Kuçi: Nuk ka asnjë veprim të kundërligjshëm, e gjitha është e orkestruar

  • 03/11/2021 | 13:13

Reagon Agron Kuçi: Nuk ka asnjë veprim të kundërligjshëm, e gjitha është e orkestruar

Kandidati për kryetar të komunës së Junikut nga radhët e AAK-së, Agron Kuçi ka dalur prapë me një shkrim, rreth disa zhvillimeve ditëve të fundit në këtë komunë. Kuçi ka thënë se ditëve të fundit ai dhe familja e tij janë linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e tij politik dhe qarqe të caktuara politike.


Sipas Kuçit në krejt këto zhvillime të supozuara, nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individë.

Ndër të tjera, Kuçi ftoi qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, shumë të ndershme, të qytetëruar e demokratike, ashtu siç është në nderin, fisnikërinë dhe traditën Junikas.

Reagimi i plotë:

Të dashur bashkëqytetarë të Junikut! Siç edhe e keni vërejtur edhe ju, ditëve të fundit unë dhe familja ime jemi linçuar, fyer, ofenduar, shantazhuar dhe kërcënuar nga disa media të sponzorizuara e të financuara nga kundërshtarët e mi politik dhe qarqe të caktuara politike. E kam thënë dhe e përsëris me përgjegjësi të plotë morale, juridike dhe penale qe nuk ka kurrfarë veprimi të kundërligjshëm e asgjë penale, përveç se një skenar i orkestruar nga akterë të caktuar nga kampi i kundërshtarëve politik, të cilëve u janë bashkuar disa individ (umiq të kampit kundërshtarë, që janë vënë fatkeqësisht në dispizicion të tyre) nga Policia e Kosovës, Sistemi Prokurorial dhe Gjyqësor, për të na përbaltosur në kohë fushate të zgjedhjeve lokale, me të vetmin qëllim; për të denigruar integritetin tim, bashkëpunëtorëve dhe të familjes sime. Me synimin e vetëm për të marrë fitoren tonë, fitoren e qytetarëve të Junikut. Deklarohem, se këto veprime, vetëm sa na kanë forcuar, jo vetëm mua, por gjithë simpatizantët e qytetarët bujarë të Junikut, në rrugën tonë, për të dalur triumfues, sepse fitorja nuk arrihet me shantazhe, sulme linçuese, ofendime e fushatë të ndyer! Fushata bëhet në Junik, dhe për Junikun, ndërsa ne më së miri e njohim njëri tjetrin, ua dimë vlerat njerëzore, intelektuale, familjare e patriotike gjithësecilit prej nesh! Qytetarët e nderuar të Junikut na njohin më së miri, më mirë se çdo kush tjetër! Para së gjithash ne jemi bashkëvendas, do jetojmë me nder në Junikun tonë edhe pas datës 14 nëntor. Unë ftoj qytetarët e Junikut, Degën e Aleancës për Ardhmërinë e Kosovës në Junik, për një fushatë të qetë, shumë të ndershme, të qytetëruar e demokratike, ashtu siç është në nderin, fisnikërinë dhe traditën Junikase. Juniku para nesh! Bashkimi jonë, do të jetë fitorja jonë Në aleancë me qytetarët e Junikut, me besim e emër të Zotit, e me përkrahjen e junikasve, ne do të fitojmë me 14 nëntor! Fitoren tonë, e të qytetarëve të Junikut, nuk ka shantazh që mund ta ndal.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë