Loading…

Reagon zyrtarisht Rusia, pas deklaratave të Ramush Haradinajt për bashkimin me Shqipërinë

  • 22/01/2021 | 23:15

Reagon zyrtarisht Rusia, pas deklaratave të Ramush Haradinajt për bashkimin me Shqipërinë

Kryetari i Aleancës për Ardhmërinë e Kosovës (AAK), Ramush Haradinaj, ditë më parë ka paralajmëruar një referendum për bashkim me Shqipërinë, nëse nuk plotësohen pikat që iu janë premtuar Kosovës tash e sa kohë, e që kanë mbetur tema të hapura.


Deklaratat e liderit të AAK-së, kanë bërë që të ketë reagime edhe nga Rusia.

Ministria e jashtme e Rusisë ka lëshuar një kumtesën të cilën dënon kërcënimin dhe shantazhin e si thuhet “propagandës së ideologjisë shqiptaro-madhe që përbën kërcënim për integritetin territorial”.

Ky reagim erdhi si reagim në deklaratën e ish-kryeministrit Ramush Haradinaj se do iniciojë referendum për bashkimin e Kosovës me Shqipërinë, shkruan “B92”.

“Kjo është edhe një në serinë e provokimeve të nxitura nga propaganda shqiptaro-madhe, që kohëve të fundit është gjithnjë më intensive që shpërndahet në regjion dhe që përbën kërcënim direkt në integritetin territorial të shteteve në Ballkan. Shantazhi politik është i palejueshëm, pikërisht kjo është thirrje për ndryshim të kufijve në regjion”, thuhet në kumtesë.

Ministria e jashtme ruse ndjen keqardhje që nuk ka pasur reagim të qartë në këtë provokim nga BE, që ka mandat të ndërmjetësuesit në dialogun mes Prishtinës dhe Beogradit.

“Duhet të përkujtojmë të gjithë se zgjidhja e përhershme dhe stabile për Kosovën mund të vjen vetëm përmes bisedimeve në tavolinë me kusht të respektimit të drejtës ndërkombëtare duke u mbështetur në rezolutën 1244 të KS të OKB-së”, kumtoi ministria ruse.

Kujtojmë se pas kësaj deklarate të Ramush Haradinajt, ka pasur reagime të menjëhershme edhe nga president i Serbisë, Aleksandër Vuçiq.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë