Loading…

Recetë gatimi: Pite me jogurt

  • 28/01/2022 | 13:30

Recetë gatimi: Pite me jogurt

Përgatitja e saj është shumë e lehtë dhe mjaftojnë shumë pak përbërës të cilët gjenden shumë thjesht në çdo kuzhinë.


Për 4 persona nevojiten:

* 6 vezë
* 600 ml jogurt
* 125 gr margarinë
* 5 lugë miell
* 500 gr petë të gatshme
* vaj, kripë

Përgatitja:

I thyejmë vezët dhe i ndajmë të bardhat nga të verdhat. I rrahim me mikser të bardhat dhe të verdhat e vezës. Në enën me të verdhat e shtojmë margarinën.

Pas një kohe, në enë e hedhim jogurtin. Shtojmë 2 lugë miell dhe vazhdojmë të përziejmë me tel kuzhine. Pastaj, në enë i shtojmë të bardhat e rrahura dhe hedhim kripë.

Në enën e qelqit rezistuese ndaj zjarrit hedhim vaj dhe vëmë dy petë të gatshme, duke i lënë skajet jashtë enës. E tutëlojmë një petë, e kalojmë në masën në enën e thellë dhe e vëmë sipër petëve në enën e qelqit.

Të njëjtën gjë e bëjmë me të gjitha petët e mbetura. Sipër petëve të tutëluara vëmë një petë të paltuar përgjysmë. Skajet e dy petave të para i paltojmë në brendi të enës së qelqit.

Sipër vëmë edhe një petë të paltuar përgjysmë. Hedhim vaj. Enën e vëmë në furrë. Pjekim 30 minuta, në temperaturë prej 180 gradë.

Piten e presim në copë. Tri copë vëmë në pjatën për servirje. Në dy skajet e pjatës vëmë nga një gjeth sallate jeshile dhe nga një lugë shtalpë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë