Loading…

Recetë: Salmon i pjekur me portokall

  • 25/03/2020 | 08:31

Recetë: Salmon i pjekur me portokall

Një pjatë e bukur dhe mbresëlënëse me aromë portokalli, që e bën edhe më delikate. Një vakt i shëndetshëm dhe elegant, për të mos përmendur shijen e mrekullueshme kur shërbehet me sallatë me gjethe jeshile, oriz dhe shparguj.


Përbërësit
2 portokall (të prerë në feta rrumbullake)
1 qepë (e prerë në feta të holla)
1 e gjysmë lugë gjelle vaj ulliri
5 filetë salmoni
1 lugë gjelle erëza (kokrra, me lëkurë limoni dhe kokrra piperi të zi, ose të tjera sipas shijes)
1 e gjysmë lugë çaji pluhur hudhre
1 lugë gjelle majdanoz (i thatë)
1 e gjysmë lugë gjelle lëng limoni
1/2 filxhan lëng portokalli
1 lugë gjelle mjaltë

Përgatitja

Nxehim paraprakisht furrën në 200 gradë C. Në një tas të vogël ose filxhan, përziejmë së bashku erëzat e limonit dhe piperit, pluhurin e hudhrës dhe majdanozin e thatë.I vendosim fetat e një portokalli në një shtresë të vetme në fund të një pjate pjekjeje. Vendosim një shtresë me feta qepe mbi portokall. Spërkasim me pak vaj ulliri dhe me gjysmën e përzierjes së erëzave. Vendosim pjatën e përgatitur në furrën e nxehur që më parë dhe e pjekim për rreth 25 minuta, ose derisa qepët të marrin ngjyrë kafe dhe të zbuten. E heqim pjatën nga furra dhe rritim temperaturën në 220 gradë C. Shtyjmë fetat e qepës dhe të portokallit në buzët e jashtme të pjatës së pjekjes dhe vendosim filetot e salmonit në qendër. Sezonojmë me gjysmën e mbetur të përzierjes së erëzave. Trazojmë së bashku lëngun e portokallit, lëngun e limonit dhe mjaltin në një tas të vogël. E hedhim në mënyrë të barabartë mbi salmon. I pjekim në furrën e nxehur që më parë për 12 deri në 15 minuta ose derisa salmoni të bëhet i errët në qendër.
Heqim filetot në pjatën ku do t’i shërbejmë dhe i hedhim portokallin e pjekur. Zbukurojmë filetot me qepë të pjekura dhe feta portokalli të freskët.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë