‘Rekord’ i ri për Kosovën: Zë vendin e parë për inflacion në Ballkan për muajin qershor

Kosova ka shënuar së fundmi një rekord. Vendi ka regjistruar normën më të lartë të inflacionit vjetor të çmimeve të konsumit në rajonin e Ballkanit gjatë muajit qershor, sipas një përmbledhjeje të publikuar nga Kos Data, transmeton Gazeta Metro.

Sipas të dhënave të raportuara, inflacioni në Kosovë ka arritur në 6.0 për qind, duke e renditur vendin të parin në rajon për rritjen e çmimeve të konsumit.

Pas Kosovës renditen Bullgaria dhe Bosnja e Hercegovina, me një normë inflacioni prej 5.6 për qind, ndërsa Kroacia ka shënuar 4.5 për qind dhe Greqia 4.4 për qind.

Mali i Zi ka regjistruar inflacion prej 3.6 për qind, Maqedonia e Veriut 3.4 për qind, ndërsa Shqipëria 3.2 për qind./gazetametro.net