Loading…

Rendësia e D-Dimereve tek pacientët me COVID-19

  • 13/01/2021 | 18:01

Rendësia e D-Dimereve tek pacientët me COVID-19

Nga Dr. Kujtim Veseli dhe Dr. Naim Mehmeti


D-dimerët janë proteina plazmatike të cilat tregojnë rritje të vlerave në rast të prezences së trombeve (mpiksjes së gjakut) në enët e gjakut. Vlera të ngritura vërehen edhe në rast të inflamacioneve, infeksioneve, pas lendimeve, pas operacioneve, tek mosha e shtyrë etj.

Prania e trombeve në arterie apo vena mund të shkaktojë bllokimin e enëve të gjakut dhe si pasojë mund të vjen deri tek çrregullimi i furnizimit të organeve me gjak. Në rast të mbylljes së arterieve kjo mund të manifestohet me simptoma si p.sh. sulm ne tru (infarkt i trurit), infarkt i zemrës, pamjaftueshmëri e furnizimit me gjak të gjymtyrëve dhe organeve tjera të mbrendshme e njohur si iskemi.
Mpiksja (tromboza) e gjakut në venat e thella të këmbëve paraqet poashtu një komplikim të mundshëm. Si rrezultat i qarkullimit të trombeve nga venat në anën e djathtë të zemrës dhe vendosja e tyre në arteriet e mushkërive (pulmonare), mund të qojë deri tek e ashruquajtura embolia pulmonare, e cila në disa raste mund të ketë edhe ecuri fatale.

Pacientët e infektuar me COVID-19 tek të cilët hospitalizimi është i nevojshëm, D-dimerët duhet të jenë pjesë e diagnostifikimit fillestar laboratorik. Në bazë të ecurisë klinike këto vlera duhet të kontrollohen rregullisht gjatë hospitalizimit.

Vlerat e D-dimereve mund të jenë të ngritura në 40% – 60% të rasteve tek pacientët e hospitalizuar me COVID-19. Këto vlera mund të shoqërohen edhe me një prognozë jo të favorshme për pacientin.

Në shumë studime, tek pacientët e infektuar me COVID-19 është vërtetuar një tendencë e shtuar e mpiksjes së gjakut (trombozë/emboli), mirëpo tek këta pacientë vlerat e ngritura të D-dimereve vijnë poashtu si rrezultat i zhvillimit të proceseve inflamatore në organizëm pa prezencën e një tromboze apo embolie.

Pëmes D-dimerëve të ngritura nuk diagnostikohet tromboembolia venoze ose embolia pulmonale.
Nëse klinikisht ka dyshim, atëherë preferohët të bëhet sonografia e venave, ekokardiografia e zemrës apo CT-angiografia.

Në mungesë të kundërindikacioneve, pacientët e hospitalizuar me COVID-19 duhet të trajtohen me Heparin në dozë profilaktike standarde.

Pacientët me faktorë shtesë të rrezikut për tromboemboli venoze si p.sh. Obeziteti (BMI> 35 kg / m2), trombozë venoze paraprake, sëmundje tumorale, trombofili si dhe pacientët në kujdesin intensiv, në rast të ngritjes së vlerave së D-dimerëve (> 2-3 mg /l), nëse rreziku i gjakderdhjes është i ulët, sygjerohet trajtimi me Heparin në dozë më të intensifikuar (dozim terapeutik).

Tek pacientët me faktorë shtesë rreziku për tromboemboli venoze, sygjerohet vazhdimi i trajtimit me antikoagulans deri ne 30 dite pas hospitalizimit.
Pacientët ambulant COVID pozitiv të cilët kanë simptome të lehta dhe janë mobil, përcaktimi i D-dimereve si dhe trajtimi me antikoagulans (thollues të gjakut) me doze profilaktike nuk është patjetër i nevojshëm.

Dr. med. Naim Mehmeti
Kryemjek udhëheqës,
Internist Angiolog
Spitali Kantonal Winterthur, Zvicër

Dr.med. Kujtim Veseli
Kryemjek,
Kirurg vaskular
Spitali Kantonal Winterthur, Zvicër

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë