Loading…

“Republika e Kosovës” në një raft në qendër të Beogradit

  • 17/08/2018 | 09:36

“Republika e Kosovës” në një raft në qendër të Beogradit

Në deklaratën e mallit në një dyqan këpucësh si vend i prejardhjes shënohet “Ferizaj, Republika e Kosovës”, shkruan “Danas”

Ndoshta Serbia zyrtare ende nuk e ka njohur Kosovën si shtet, por shembulli i një dyqani të këpucëve në qendër të Beogradit, i cili blerësve të tij u ofron edhe mall në deklaratën e të cilit si vend i prejardhjes është Republika e Kosovës – tregon se tregtarët vendës nuk e kanë problem këtë, shkruan gazeta beogradase “Danas” në ballinën e numrit të sotëm.

Kështu – shkruan më tej gazeta – në njërin prej dyqaneve beogradase të këpucëve, mund të blihen këpucët e prodhuesit Geris nga Ferizaj nga Kosova, transmeton gazetametro.net.

Pos emrit të artikullit dhe të dhënave tjera mbi përbërjen në këtë rast konkret të pantoflave për femra, mënyrës së ruajtjes, në deklaratë si vend i prejardhjes shënohet “Ferizaj, Republika e Kosovës”.

Ministri i tregtisë së Serbisë, Rasim Ljajic i ka thënë gazetës se malli me këto shenja nuk do të guxonte të shfaqet në dyqane dhe i fton konsumatorët që rastet e tilla t’ia paraqesin inspeksionit në mënyrë që të mund të regojnë./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë