Loading…

Rexhep Selimi – Thaçit: Ti nuk je president

  • 10/03/2017 | 21:36

Rexhep Selimi – Thaçit: Ti nuk je president

Është deputeti i Lëvizjes Vetëvendosje në Kuvendin e Kosovës Rexhep Selimi, i cili ka shkruar disa fjalë pas deklaratave të presidentit Thaçi se do të jap dorëheqje nëse nuk votohet ushtria.


 

Selimi, përmes një publikimi në rrjetin social Facebook, i është drejtuar presidentit Thaçi, se ky i fundit duhet të jap dorëheqje për shumë arsye.

Deklaratën e Thaçit, Selimi e ka quajtur hipokrizi.

“A thua, ti Hashim po jipshe dorëheqje nëse nuk votohet diçka që tashme jemi deklaruar të gjithë në mbështetje që FSK-ja të ketë mision ushtarak?. Sa e lexueshme hipokrizia jote”, ka shkruar Selimi, duke iu drejtuar Thaçit se dorëheqjen duhet ta jap për shkak të Demarkacionit dhe dëmëve tjera që i ka shkaktuar vendit.

“Ti duhet të japësh dorëheqje për Demarkacionin që me nënshkrimin tënd ke shkaktuar protesta, burgosje, përgjakje e kaos institucional. Ti duhet të japësh dorëheqje për Gjykatën Speciale që ia kurdise luftëtarëve të UÇK-së. Ti duhet të japësh dorëheqje që kurrë nuk mund ta ushtrosh rolin kushtetues të një presidenti për t’i mbledhur partitë në një tavolinë. Ti mik i Vuçiqit e i Daçiqit, nuk mund të jesh president i viktimave të tyre. Ti duhet të japësh dorëheqje, ose thënë shkurt, ti je i pa denjë të jesh president. Në fakt, ti nuk je president”, ka shkruar Selimi në Facebook. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë