Rihapet Qendra për Regjistrimin e Automjeteve në Zubin Potok që u dogj të shtunën

Është rihapur Qendra për Regjistrimin e Automjeteve në Zubin Potok.

Kjo është bërë e ditur nga Ministria e Punëve të Brendshme të Kosovës, të cilët kanë njoftuar se puna në këtë qendër do të zhvillohet normalisht dhe se janë të gatshëm që nga sot t’iu ofrojnë shërbime të gjithë qytetarëve.

Kësaj qendre i ishte vënë flaka të shtunën e kaluar, përgjatë zhvillimeve nga serbët të cilët protestuan për shkak të vendimit për vendosje të reciprocitetit me targa.

Njoftimi i plotë:

Ri-hapet Qendra për Regjistrimin e Automjeteve në Zubin Potok
Pas sulmit në Qendrën e Regjistrimit të Automjeteve në Zubin Potok në objektin e komunës, Ministria e Punëve të Brendshme sot ka ri-hapur Qendrën e Regjistrimit të Automjeteve në objektin e stacionit policor në Zubin Potok.