Ronaldo bën kërkesë publike për bashkëlojtarët pas humbjes nga Aston Villa
-
26/09/2021 | 16:40
Cristiano Ronaldo u ka kërkuar shokëve të tij të skuadrës në Manchester United që të ‘reagojnë menjëherë’ pas humbjes së tyre zhgënjyese ndaj Aston Villa të shtunën pasdite.
Djajtë e Kuq u mposhten me rezultat 1-0 në Old Trafford nga Aston Villa në ndeshjen e vlefshme për javën e gjashtë në Ligën Premier.
Goli i vetëm për mysafirët u shënua në minutën e 88-të nga Kourtney Hause.
Megjithatë, vendasit patën mundësi të artë në minutat shtesë, por Bruno Fernandes dështoi të barazonte nga penalltia.
Kjo humbje që mori shumë kritika bëri që ylli i skuadrës, Ronaldo të reagojë publikisht me anë të një postimi në profilin e tij në Instagram.
“Ky është vetëm fillimi. Por, në një garë aq të fortë sa Liga Premier, çdo pikë ka rëndësi”.
“Ne duhet të reagojmë menjëherë, të ngrihemi në këmbë dhe të tregojmë forcën tonë të vërtetë”, ka shkruar 36-vjeçari.
View this post on Instagram
