Ronaldo feston golin duke rënë në sexhde

Cristiano Rolando, ylli portugez i futbollit dje gjatë fitores me ekipin e tij Al-Nassr shënoi golin e 3-të dhe më pas festoi duke bërë sexhde, siç bëjnë zakonisht myslimanët, shkruan Gazeta Metro.

Ndeshja e zhvilluar mbrëmë ishte mjaft e ndërlikuar jo vetëm për Ronaldon por edhe për të gjithë skuadrën e Al-Nassar sepse ishin në disavantazh prej dy golave dhe në momentin e rikthimit të rezultatit janë rikthyer edhe shanset për titullin e kampionit në Ligën Profesionale Saudite.

Në fund dolën fitues, me golin e fundit të shënuar nga 5 herë fituesi i trofeut ‘lojtari më i mirë në botë’. Pas shënimit të golit ai është parë duke festuar në një mënyrë më interesante, publiku ka mbetur i befasuar teksa ka rënë në sexhde në momentin e festimit, më pas ka festuar në formën e tij natyrale “siuuuu”.

Deri më tani nuk ka asnjë informacion nëse ai po mendon të ndryshojë fenë dhe t’i bashkohet Islamit, por këto veprime kanë shkaktuar shumë reagime për të kuptuar edhe më shumë qëndrimin e tij./gazetametro.net