Loading…

‘Ronaldo mbetet i vetmuar’: Nuk po dëshirohet as nga bashkëlojtarët

  • 14/08/2022 | 18:44

‘Ronaldo mbetet i vetmuar’: Nuk po dëshirohet as nga bashkëlojtarët

Largimi i Cristiano Ronaldos nga Manchester United siç duket është vetëm çështje kohe. Raportimet e fundit nga mediumet angleze bëjnë të ditur që yllin nuk e dëshirojnë më as bashkëlojtarët e tij, të cilët janë të frustruar me sjelljet e Ronaldos në seancat stërvitore, transmeton Gazeta Metro.


Portugezi ka kohë që ka shprehur dëshirën për t’u larguar nga ‘Djajtë e Kuq’ dhe gjatë gjithë verës është raportuar për takimet e ndryshme të agjentit të tij, Jorge Mendes me drejtues të ndryshëm të klubeve.

Situata ditët e fundit është bërë edhe më e ‘nxehtë’, pasi siç raporton gazetari i afërt me klubin, Paul Hirst stafi i Erik ten Hag dhe lojtarët brenda skuadrës po bëhen gjithnjë e më të frustruar me sjelljet e fituesit pesë herë të Topit të Artë.

Sjellja e Ronaldos thuhet se po përkeqëson atmosferën në Carrington dhe drejtuesit e klubit janë duke menduar shkëputjen e kontratës me të.

Ai edhe në ndeshjen e djeshme kundër Brentford nuk është se pati paraqitje të mirë, përkundër faktit që luajti nga minuta e parë. Ndërkaq, as në fazën përgatitore të United nuk ka marrë pjesë dhe ka munguar pothuajse në të gjitha miqësoret parasezonale.

Sezoni i ri i Premier League për Manchester United nuk ka filluar në mënyrën e duhur. Dje ‘Djajtë e Kuq’ u mposhtën 4-0 nga Brentford, kurse javën e kaluar pësuan disfatë në shtëpi edhe nga Brighton. Për të mos qenë e gjitha kjo të gjitha repartet që nga portieri e në sulm nuk po kalojnë aspak momente të mira. /gazetametro.net

Mesfushori i Man United bëhet viral: Shikoni pasimin katastrofal nga ai kundër Brentford

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë