Rruga e Kombit, ultimatum një javë kompanisë Catalyst

Agjencia e Prokurimit Publik në Shqipëri (APP) ka paralajmëruar kompaninë e huaj “Catalyst” partnere të konsorciumit fitues për marrjen me koncesion të Rrugës së Kombit, që brenda 7 ditëve duhet të dorëzojë në Ministrinë e Transportit, pranimin e njoftimit të ofertuesit të zgjedhur, duke rënë dakord të pajtohet me kushtet e përcaktuara dhe të ekzekutojë marrëveshjen e koncesionit, shkruan sot Koha Ditore.

Nëse “Catalyst” refuzon koncesionin brenda 30 ditëve nga data 30 nëntor ajo duhet të paguajë tarifën 20.000 euro.

Në njoftimin e publikuar në buletinin e radhës të APP-së, kjo e fundit i kërkon konsorciumit “Catalyst” se brenda 60 ditëve duhet të ekzekutohet marrëveshja e koncesionit, çka për qytetarët do të thotë se rruga do të bëhet me pagesë pas dy muajsh.