Loading…

Rryma në veri shitet pa leje, Kosova vazhdon të humbë miliona euro

  • 23/05/2020 | 20:08

Rryma në veri shitet pa leje, Kosova vazhdon të humbë miliona euro

Ka rreth 10 vjet që kompania “Elektro Sever” vepron jashtëligjshëm në veri të Kosovës.


Ajo bën furnizimin me energji elektrike, por tani pas marrëveshjes me Rrjetin Evropian të Energjisë Elektrike, kjo kompani po pritet që të aplikojë për licencim.

Megjithëkëtë, për një gjë të tillë nuk ka afate të përcaktuara e kjo veprimtari ilegale ka çuar në humbje të miliona eurove, kurse për humbjet dhe të gjitha shpenzimet e tjera përgjegjësi do të marrë KOSTT’i, raporton KTV.

Për shkak të mundësisë që “Elektro Sever” të mos aplikojë fare, Kosova do të vazhdojë me humbjen e energjisë në këtë pjesë.

Për ta ndaluar këtë, Rinora Gojani nga “Ballkan Green Fondation”, thotë se institucionet duhet t’i caktojnë një afat për aplikim “Elektro Severit”.

Zyra e Rregullatorit të Energjisë në Kosovë ka njoftuar se deri më tani “Elektro Severi” nuk ka aplikuar ende për licencim.

Një gjë e tillë parashihet me marrëveshjen mes Kosovës e Serbisë e arritur në vitin 2013 në Bruksel.

Shpenzimet e energjisë elektrike në veri për disa vite u janë faturuar pjesës tjetër të qytetarëve të Kosovës, derisa Gjykata e Apelit e ndaloi një gjë të tillë.

Nga ajo kohë, për rrymën në veri janë paguar nga buxheti i Kosovës, tetë milionë euro çdo vit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë