Rubio thotë se operacioni ushtarak ndaj Iranit ka përfunduar

Operacioni ushtarak i nisur në shkurt kundër Iranit ka përfunduar, ka deklaruar Sekretari amerikan i Shtetit, Marco Rubio, duke lënë të kuptohet se tani prioriteti amerikan është rihapja e Ngushticës së Hormuzit.

“Operacioni ka përfunduar. ‘Epic Fury’, ashtu siç e ka njoftuar presidenti Kongresit, i kemi dhënë fund asaj faze. Tani jemi në ‘Projektin Liria’”, ka thënë Rubio, duke iu referuar iniciativës së presidentit Donald Trump për hapjen e ngushticës.

Rubio e ka quajtur veprimin ushtarak në Iran gjatë armëpushimit një “operacion mbrojtës”, ndërsa bllokada detare vazhdon dhe SHBA-ja ka thënë të hënën se ka qëlluar disa anije iraniane, raportoi CNN.

Rubio ka mbrojtur përpjekjet e SHBA-së që t’i bëjë presion ekonomik Iranit përmes sanksioneve dhe bllokadës detare, duke argumentuar se masat janë të domosdoshme për të mbrojtur tregtinë botërore.