Loading…

Rugova: Ushtrinë nuk po e bën vetëm PDK-ja

  • 07/03/2017 | 13:10

Rugova: Ushtrinë nuk po e bën vetëm PDK-ja

Mungesa e kryeministrit Isa Mustafa, gjatë ditës së sotme sa i përket dorëzimit të Projektligjit për Forcat e Sigurisë së Kosovës (FSK), ka bërë që të ketë reagime se kryeministri është anashkaluar.


 

Por, Lidhja Demokratike e Kosovës nuk po ndjehet e anashkaluar në këtë proces.

Madje shprehen të sigurt se kjo çështje nuk ndikon aspak në raportet e tyre si partner koalicioni, por që theksojnë se trasformimin e FSK-së në Ushtri nuk po e bën Partia Demokratike e Kosovës por institucionet e vendit.

Nënkryetari i LDK-së Haki Rugova tha të martën për Express se nuk ka rëndësi kush e dërgon projektligjin për ushtrinë, e rëndësishme sipas tij, është vetëm formimi i saj.

“Ushtrinë nuk e formon PDK-ja e as LDK-ja por atë e formojnë institucionet e Kosovës. Nuk ka rëndësi se kush e ka dorëzuar projektligjin për ushtrinë, ata që janë akterë kryesor për këtë çështje edhe e kanë dorëzuar” u shpreh Rugova.

LDK siç bëri të ditur ai, nuk ndjehet keq për këtë çështje, por mjafton që siç tha nënkryetari i LDK-së Haki Rugova, FSK të transformohet në ushtri.

Krijimi i Forcave të Armatosura të Kosovës është paraparë që prej më shumë se dy vjetësh, por ajo nuk mundi të krijohej pa ndryshimet Kushtetuese që kërkojnë mbështetjen e dy të tretave të deputetëve. Kujtojmë se Lista Serbe ka qenë pengesa kryesore drejt formimit të ushtrisë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë