Loading…

Rusia i gëzohet arrestimeve në Kosovë: Ndërhyrja e NATO’s ishte e gabuar

  • 11/11/2020 | 21:07

Rusia i gëzohet arrestimeve në Kosovë: Ndërhyrja e NATO’s ishte e gabuar

Ministria e Jashtme e Rusisë ka përshëndetur arrestimet e krerëve të UÇK’së duke shtuar se ndërhyrja e NATO’s për të evituar katastrofën humanitare dhe ndaluar spastrimin etnik, ishte “e gabuar”.

Reagimi i plotë nga MPJ ruse:

“Fakti që Dhoma e Prokurorit të Specializuar të Kosovës ka intensifikuar hetimet ndaj krimeve të Ushtrisë Çlirimtare të Kosovës (UÇK) me aktakuzat kundër ish-drejtuesve të këtij entiteti të neveritshëm kanë ardhur në vëmendjen tonë. Të akuzuarit përfshijnë “Presidentin” Hashim Thaci dhe ish “Kryetarin e Kuvendit” Kadri Veseli.

Është shumë e rëndësishme të çohen para gjykatës ata që janë fajtorë për kryerjen e krimeve të rënda, të identifikuar në kohën e duhur nga raportuesi i PACE, Dick Marty, për t’i mbajtur ata përgjegjës para ligjit. Në këtë kuptim, nuk duhet të ketë njerëz të paprekshëm.

“Statusi” mbresëlënës i të akuzuarit është i jashtëzakonshëm. Rezulton se për shumë vite ka pasur njerëz në krye të kuazi-shtetit të Kosovës, në lidhje me të cilët janë mbledhur prova të forta duke i lidhur ata me aktivitete të paligjshme në Kosovë, duke përfshirë krimin e organizuar dhe terrorizmin. Fatkeqësisht, klientët perëndimorë të Prishtinës mbyllën një sy të verbër ndaj kësaj pjese të biografive të të nënshtruarve të tyre.

Është duke u bërë e qartë për publikun e gjerë perëndimor se kënd po e ndihmonte NATO-ja kur bombardoi Jugosllavinë sovrane më 1999.

Kosova ka kohë që është bërë një vatër e ekstremizmit dhe krimit edhe si fqinjë e BE-së. Arrestimi i dy “shtetasve” ​​të Kosovës të cilët policia austriake dyshon për përfshirje në sulmet e fundit terroriste në Vjenë sigurojnë prova shtesë për këtë.

Shpresojmë që Perëndimi më në fund do t’i marrë parasysh paralajmërimet për natyrën e vërtetë të “shtetësisë” së Kosovës dhe të ndalojë së mbështeturi verbërisht ata që janë të vendosur të bëjnë gjithçka për hir të qëllimeve të tyre vet-shërbyese politike”

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë