Rusia sulmon me raketa spitalin ukrainas në qytetin e Dnipro, ka të vdekur dhe të lënduar

Së paku një person ka vdekur dhe 15 tjerë janë lënduar përfshirë 2 fëmijë në një sulm me raketë nga Rusia në një qendër mjekësore në qytetin e Dnipros, transmeton Gazeta Metro.

Presidenti ukrainas Volodymyr Zelenskyy konfirmoi sulmin dhe tha se autoritetet janë duke punuar për të shpëtuar personat tjerë nga spitali.

Ai tha se ka aktivizuar të gjitha autoritetet e nevojshme në misionet e shpëtimit. Më parë guvernatori rajonal, Serhiy Lysak, ka thënë se qyteti është sulmuar në mbrëmjen e së enjtes, raporton BBC.

Lysak shtoi se ishte natë e vështirë dhe shumë e zhurmshme. Ai tha se Rusia ka kryer sulm masiv ndaj qytetit me raketa dhe dron.

Lysak konfirmoi se 2 fëmijë janë lënduar të moshës 3 dhe 6 vjeçare.

Zelenskyy ka postuar një video të klinikës së dëmtuar ku shihen zjarrefikësit në skenë teksa tymi dilte nga ndërtesa. Zelenskyy shtoi se ky sulm dëshmon sërish se rusët janë terrorist të cilët po luftojnë kundër çdo gjëje njerëzore.

Autoritetet ukrainase deklaruan se kanë rrëzuar 17 raketa dhe 31 dron të cilët Rusia i lëshoi gjatë natës.

Disa dron dhe raketa kanë goditur shënjestra në Dnipro ndërsa një sulm u krye edhe në qytetin lindor të Kharkiv ku u godit një deponi nafte. Pjesë e sulmit ka qenë gjithashtu edhe kryeqyteti ukrainas Kievi ku zyrtarët deklaruan mbetje të dronave të rrëzuar kanë goditur një qendër tregtare si dhe një shtëpi.

A rocket attack on a polyclinic in the city of Dnipro.

As of now, one person has died and 15 have been injured.

#RussiaisATerroistState pic.twitter.com/3AucXIgDea

— Igor Lachenkov (@igorlachenkov) May 26, 2023

Rusia muajin e fundit ka intensifikuar sulmet ndaj Ukrainës duke shënjestruar asetet infrastrukturore të saj./gazetametro.net