Loading…

Scott përsërit: Kosova ta heqë taksën dhe të rifillojë dialogun

  • 15/09/2019 | 08:23

Scott përsërit: Kosova ta heqë taksën dhe të rifillojë dialogun

Ambasadori i Shteteve të Bashkuara të Amerikës në Serbi, Kyle Scott, ka thënë se pas 6 tetorit, ai që vjen në krye të Qeverisë duhet ta heqë tarifën ndaj mallrave serbe dhe të punojë në drejtim të rifillimit të dialogut, transmeton Gazeta Metro.


Në një intervistë për Kurir, Scott ka thënë se SHBA’ja e mbështet normalizimin e marrëdhënieve mes dy vendeve. Me emërtimin Mattheë Palmer, Pompeo ka dhënë mesazh se përpjekjet e SHBA’së për zgjidhjen e problemit mes Kosovës dhe Serbisë janë intensifikuar.

“Sekretari i Shtetit Mike Pompeo kohët e fundit emëroi mikun dhe kolegun tim Mattheë Palmer si Përfaqësues Special për Ballkanin Perëndimor. Ai do të kryesojë përpjekjet tona për të intensifikuar përpjekjet diplomatike të SHBA-së për të mbështetur paqen, stabilitetin dhe partneritetin në rajon dhe të përqendrohet në integrimin e vendeve të Ballkanit Perëndimor në institucionet evropiane” tha Scott.

Tutje ai shtoi se Mattheë “e njeh mirë rajonin, Serbinë, por edhe problemin e Kosovës, kështu që unë mendoj se ai është një person ideal për të kontribuar në normalizimin e marrëdhënieve midis Serbisë dhe Kosovës”, ka thënë Scott.

Scott gjithashtu ka përsëritur qëndrimin amerikan se tarifa ndaj mallrave serbe duhet të pezullohet, por duke e thënë qartë se për SHBA’në, pavarësia e Kosovës është punë e kryer.

“Ata thonë kaq thjesht që s’mund të pranojnë që Kosova është vend i pavarur e sovran, por ai është. Ne nuk mund ta “detyrojmë” as Kosovën e as Serbinë ta njohin njëra tjetrën. SHBA-ja është atje si partner, duke mbështetur procesin e normalizimit të marrëdhënieve midis Beogradit dhe Prishtinës, dhe do të bëjë gjithçka që mundet për të inkurajuar dhe lejuar që të dy palët të arrijnë një marrëveshje. Kjo është në interes të popujve të Serbisë dhe Kosovës, por edhe të të gjithë rajonit, BE-së dhe SHBA-së” tha Scot.

Në fund, Scott tha se mesazhi është i qartë, dialogu duhet të rifillojë.

“Mesazhi ynë është i qartë: SHBA-ja dëshiron që Kosova të heq tarifat në mënyrë që dialogu me Beogradin të fillohet përsëri. Tani është e rëndësishme që Prishtina të marrë një qeveri të re, të heq taksat për mallrat nga Serbia dhe Bosnja e Hercegovina dhe të vazhdojë dialogun”, ka thënë tutje Scott./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë