Loading…

Se fituan asnjë komunë pa balotazh, VV insiston: Fituam zgjedhjet lokale, dyfishuam votat

  • 28/10/2021 | 23:08

Se fituan asnjë komunë pa balotazh, VV insiston: Fituam zgjedhjet lokale, dyfishuam votat

Lëvizja Vetëvendosje thotë se në zgjedhjet e 17 tetorit ka dal si partia e parë më e votuar në vend, edhe pse kjo parti nuk ka arritura të fitoj asnjë komunë, por që ka shkuar në balotazh në 12 prej tyre, e ku vetëm në katër  nga këto komuna është e para, shkruan Gazeta Metro.


Përmes një komunikate për media LVV thotë se zyrtarisht ka marr 216 mijë e 556 vota, ndërsa ka dyfishuar numrin e asambleistëve.

Po ashtu LVV thotë se në raport me zgjedhjet e kaluara lokale, e kanë dyfishuar votën në nivel vendi.

Kjo është komunikata e plotë:

Lëvizja sërish doli e para!

Zyrtarisht me 216 mijë e 556 vota Lëvizja VETËVENDOSJE! u shpall fituesja e këtyre zgjedhjeve lokale.

Falënderojmë secilin votues, nga fshatrat e qytetet tona, dhe diasporën tonë të dashur.

Në raport me zgjedhjet e kaluara lokale, e kemi dyfishuar votën për Lëvizjen në nivel vendi.

Është dyfishuar numri i asambleistëve të Lëvizjes në kuvendet komunale.

Me kandidatët tanë jemi në garë për t’i fituar 12 komuna.

Mbeten vetëm 15 ditë deri në rrethin e dytë zgjedhor, dhe duhet të angazhohemi në maksimum që ta rrisim mbështetjen për Lëvizjen.

Fitorja e Lëvizjes në komuna do të thotë shërbim për qytetarët, transparencë, përkujdesje, zhvillim e drejtësi.

Prandaj këto ditë të lëvizim e të punojmë së bashku, me mbështetësit, vullnetarët, e gjithë qytetarët, sepse bashkë jemi Fitimtarë.

Ta vendosim modelin e qeverisjes Kurti edhe në këto 12 komuna, dhe ta kthejmë pushtetin lokal kah e mbara./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë