Loading…

Selmanaj: Po të ishte Kurti i përgjegjshëm do të kishim qeverisur tetë vjet, e trajtoi LDK’në si leckë

  • 08/07/2020 | 23:50

Selmanaj: Po të ishte Kurti i përgjegjshëm do të kishim qeverisur tetë vjet, e trajtoi LDK’në si leckë

Zëvendëskryeministri Driton Selmanaj ka folur sërish për raportet që kishin më Albin Kurtin derisa ishin partnerë qeverisës duke thënë se ishte fajtori kryesor për rrëzimin e Qeverisë së kaluar.

“Qeverinë Kurti e ka rrëzuar Kurti, jo LDK-ja. Po të sillej Kurti përgjegjshëm në kontekstin e brendshëm dhe jashtëm siç i takon një burrështetasi, me LDK-në do të qeveriste tetë vjet jo jo katër. Ai e filloi shkarkimin pa bazë dhe arsye, vendosjen e dilemave në raportet ndërkombëtarë dhe rrezikimin e proceseve të rëndësishme. Për këtë SHBA madje vendosi sanksione të fondeve MCC. LDK nuk rri me asnjë parti që provon të lëkundë themelet e raporteve kruciale me SHBA-në”.

Selmanaj në Rubikon tha se Kurti ka provuar ta shfrytëzojë LDK-në si leckë e më pas ta lë të në margjinat e historisë.

“LDK-ja ka pasë situatën kështu që ose të pranojë të jetë një parti që i subkoordinohet partisë së Kurtit duke u trajtuar si një leckë – e që nga ana tjetër kishte potencialin më të madh edhe me kuadro sepse VV e kishte pasë punën e parë në Qeverinë e Kosovës”.

“Përpjekja e Kurtit ishte që LDK-në ta shihte si një parti që i shërben atij jo vendit, sepse arazhmanet e tyre kanë qenë që LDK-në ta trajtojë si i nevojitet atij dhe në fund të mbetet në margjinat e historisë. Kushdo që ka menduar se LDK-ja mund ta vendosë në margjina, ka gabuar. LDK është boshti i shtetësisë së Kosovës”.

Selmanaj tha se LDK pavarësisht që ka udhëhequr në të kaluarën s’ka njerëz të partisë që janë prapa grilave për korrupsion.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë