Loading…

Senati konfirmon Antony Blinken si Sekretar të Shtetit

  • 26/01/2021 | 21:12

Senati konfirmon Antony Blinken si Sekretar të Shtetit

Antony Blinken mori mbështetje dypartiake nga ana e Senatit amerikan në konfirmimin e tij në këtë pozitë. Blinken, një diplomat veteran dhe këshilltar i vjetër i presidentit, Joe Biden, fitoi lehtësisht shumicën e nevojshme në Senatin me 100 ulëse. Pro emërimit të tij në këtë detyrë votuan 78 senatorë. Kundër ishin 22.


Në këtë pozitë ai e pason Mike Pompeon, i cili ishte një nga anëtarët që shërbeu më së gjati në kabinetit e presidentit të mëparshëm, Donald Trump.

Si diplomat i lartë, Blinken do të ketë për detyrë rinovimin e diplomacisë amerikane dhe angazhimin global, siç thonë demokratët, pas katër vitesh të politikës së Trump “Së pari Amerika”.

Politika e jashtme amerikane është karakterizuar me përbuzje ndaj institucioneve ndërkombëtare dhe përplasje të njëjtë sikurse me aleatët ashtu edhe me rivalët.

Ndër përparësitë e para të Blinken do të jetë ulja e tensioneve në rritje me Iranin, rindërtimi i marrëdhënieve të dëmtuara me aleatët dhe menaxhimi i një marrëdhënie gjithnjë e më ashpër me Kinën.

Pasi shërbeu si këshilltar i Sigurisë Kombëtare i Bidenit, gjatë mandatit të tij si nënpresident, Blinken u bë zëvendës i Këshilltarit për Siguri Kombëtare në administratën e presidentin Barack Obama, dhe më vonë shërbeu si numri dy në Departamentin e Shtetit.

Para kësaj Blinken punoi si drejtor i stafit demokrat të Komitetit të Marrëdhënieve me Jashtë të Senatit, në kohën kur Biden ishte kryetar i komitetit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë