Senatorja amerikane Joni Ernst viziton Kosovën: Takime në Ambasadën e SHBA’së dhe vizitë në Graçanicë

Senatorja amerikane Joni Ernst ka qëndruar në Kosovë, ku është pritur nga e ngarkuara me punë në Ambasadën e Shteteve të Bashkuara në Prishtinë, Anu Prattipati, transmeton Gazeta Metro.

Gjatë pasdites së së hënës, Ernst ka zhvilluar disa takime në Ambasadën amerikane në Prishtinë, pa u bërë të ditura detaje të tjera rreth tyre.

Në kuadër të vizitës së saj, senatorja amerikane ka vizituar edhe Manastirin e Graçanicës, i cili është pjesë e Listës së Trashëgimisë Botërore të UNESCO-s.

Vizita e Ernst vjen në kuadër të qëndrimit të saj në Kosovë, ndërsa nga Ambasada amerikane është bërë e ditur se ajo është pritur nga Prattipati./gazetametro.net