Loading…

Serbët e Veriut bllokojnë edhe komunikimin me KFOR

  • 02/12/2016 | 18:50

Serbët e Veriut bllokojnë edhe komunikimin me KFOR

Kryetarët e komunave të veriut kanë reaguar pas vizitës së kryeministrit Isa Mustafa atje. Ata kanë thënë se do ta ndërpresin komunikimin dhe bashkëpunimin me KFOR-in, i cili sipas tyre sot ka luajtur rolin e mbrojtësit të shefit të Qeverisë.

“KFOR-i sot ka qenë një faktor i destabilizimit, dhe kjo manovër e tyre kishte për qëllim ndalimin e procesit të normalizimit”, thuhet në reagimin e tyre

“KFOR-i me këtë rast e ka kaluar vijën e hollë nga një forcë paqebërëse duke i shërbyer nevojave të stabilizimit të situatës në Kosovë dhe Metohi”, vazhdon tutje.

“Duke lënë mënjanë politikën, KFOR-i ka dëmtuar besueshmërinë e saj me popullin serb në veri të krahinës”, thotë reagimi, transmeton gazetametro.

“Mustafa sot vizitoi veriun kundër vullnetit të qytetarëve atje”, potencohen në reagim.

Këto deklarata i kanë bërë kryetarët e Zveçanit, Zubin Potokut dhe Leposaviqit, duke iu përgjigjur kështu vizitës së kryeministrit Isa Mustafa dhe një pjese të kabinetit të tij në përurimin e urës të financuar nga NATO, që lidh Zveçanin me Leposaviqin, dy qytetet më veriore të Kosovës.

Ndryshe, eskorta e kryeministrit të Kosovës Isa Mustafa, të premten në mesditë, ishte nisur për në veri të vendit. Ajo arriti në destinacionin e saj, saktësisht tek ura e re e ndërtuar nga KFOR’i, që lidhë dy komunat kosovare me shumicë serbe, Zvecanin dhe Leposaviqin. Por, jo siç ishte paraparë.

Eskorta e Mustafës u desh të kthehej mbrapa kur mbërriti në fshatin Rudare. Banorët e këtij fshati të banuar me serbë kishin bllokuar qarkullimin e rrugës, madje këtë e bënë edhe duke vendosur një kamion mallrash në mes të saj.

Megjithatë, Mustafa dhe eskorta e tij gjeten zgjidhje. Ata përmes rrugës alternative arritën deri tek Bistrica, ku kryeministri bashkë me drejtuesit e KFOR’it përuruan urën e re që lidh këto dy komuna serbe.

Për pjesëmarrjen në këtë ceremoni ka njoftuar edhe vetë Kryeministri i vendit, por anashkaloi pengesën që i doli gjatë rrugës.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë