Loading…

Serbia agresion diplomatik ndaj Kosovës, njohësit e fushës bëjnë kritika ndaj MPJD’së për mungesë lobimi

  • 27/10/2021 | 23:01

Serbia agresion diplomatik ndaj Kosovës, njohësit e fushës bëjnë kritika ndaj MPJD’së për mungesë lobimi

Pavarësisht insistimit të vazhdueshëm nga shtetet e bashkimit Evropian dhe Shteteve të Bashkuara të Amerikës për normalizim mes raporteve Kosovë-Serbi, agresiviteti i diplomacisë serbe ndaj Kosovës vazhdon të jetë i hapur.

Ministri i Jashtëm serbe, Selakoviç ka thënë se një numri madh shtetesh janë të gatshëm ta tërheqin njohjen e Kosovës.

“Një numër i madh vendesh janë gati ta tërheqin njohjen e Kosovës. Numri i shteteve që janë të gatshme ta tërheqin mbështetjen ndaj Kosovës nëse Serbia ua kërkon këtë e tejkalon dhjetën”, ka deklaruar shefi i diplomacisë serbe.

E kjo luftë diplomatike e Serbisë sipas ish-ambasadorit të Kosovës në Uashington, Avni Spahiu, nuk e rrezikon vetëm Kosovën por gjithë rajonin.

“Agresiviteti i Serbisë rrezikon paqen në Ballkan. Serbia është në një fushat dhe luftë diplomatike natë e ditë ndaj Kosovës dhe kjo është në vazhdën e provokimeve që bënë Serbia tash e ca kohë”, deklaroi Spahiu për RTV Dukagjinin.

Ndërsa Emir Abrashi nga Demokracia Plus thotë se Serbia asnjëherë nuk e ka pezulluar fushatën kundër shtetit të Kosovës.

“Vërehet qartë se Serbia edhe gjatë moratoriumit ka lobuar kundër shtetit të Kosovës megjithatë duket se këtë e ka bërë në mënyrë shumë të mençur, pra duke i mbajtur këto shtete te gatshme për ta tërhequr njohjen e Kosovës por që nuk e kanë realizuar qëllimin deri në fund”, deklaroi Abrashi.

Njohësit e fushës së diplomacisë shprehen kritikë ndaj Ministrisë së Jashtme.

“Ka kohë që Ministria e Jashtme nuk është aktive në punën e saj për të siguruar njohje dhe për të konsoliduar marrëdhëniet me shtetet që na kanë njohur”, deklaroi Spahiu.

“Deri më tani kemi një diplomaci akoma të pakonsokiduar që nga ardhja e pushtetit të ri. Me këtë rast nuk kemi arritur të bëjmë lobim efektiv për njohje të reja e as anëtarësim në ndonjë organizatë të re”, deklaroi Abrashi.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë