Serbia urdhër ambasadorëve, ‘zbulojeni’ Walker’in kudo që jeni

Diplomatët serb, të cilët për shef kanë ish vartësin e Sllobodan Milosevicit, Ivica Dacicin, kanë pranuar urdhër prej tij që në çdo vend në skenën ndërkombëtare, t’i njoftojnë zyrtarët botëror për “rolin e vërtet” të ish shefit të Misionit të OSBE, William Walker.

Siç lajmëron e përditshmja serbe “Vecernje novosti”, në mbledhjen e qeverisë serbe, dje janë marrë vesh që në periudhën e ardhshme të shqyrtohen një sërë lëvizjesh dhe masash të cilat Serbia duhet të merr pasi që diplomati amerikan, i cili tani atje po quhet “kreator i rastit të Reçakut”, ka publikuar “planin për realizimin e projektit Shqipëria e Madhe”, përcjellë gazetametro.net

Njëra nga masat e cila po shqyrtohet është që t’i ndalohet Walker’it hyrja në Serbi, shton gazeta.

Ajo përkujton se hapat e para politike tashmë janë marrë sepse për rastin e Walker’it, ministrja serbe e drejtësisë do të ankohet në Këshillin e Sigurimit të KB më 16 maj, derisa ministri i jashtëm Ivica Dacic ka dërguar një letër OSBE’së, në emër të së cilës ka vepruar Walker. /gazetametro.net