Trajneri i Liverpool, Jurgen Klopp, në konferencë për media para ndeshjes kundër Brighton ka folur rreth formës aspak të mirë të ‘The Reds’ gjatë këtij edicioni, transmeton Gazeta Metro.
Ai ka thënë se kanë qenë në dijeni që ky sezon do të jetë më i vështirë. Por, sipas teknikut gjerman me më pak dëmtime të futbollistëve skuadra do të kishte disa pikë më shumë.
”E dinim se ky sezon do të ishte i vështirë, por me më pak dëmtime mund të kishim të paktën 4 apo pesë pikë më shumë. Momentalisht jemi duke luftuar për Ligën e Kampionëve. Dëmtimet e futbollistëve e bënë më të vështirë sezonin, ky është ndryshimi në këto momente,” tha ai.
Tutje, ai foli edhe për investimet e mëdha që po ndodhin te skuadrat në Premier League, teksa rivalitetin me Manchester City e quajti ”diçka të jashtëzakonshme”.
”Të gjithë ekipet po investojnë dhe përmirësohen. Të gjithë janë duke bërë jashtëzakonisht mirë. Ajo që ndodhi vitet e fundit mes City dhe Liverpool ishte absolutisht e jashtëzakonshme. Qëndrueshmëri e çmendur,” tha ai.
Me fillim nga ora 14:30 të dielën Liverpool do të përballet në kuadër të raundit të 1/16 të FA Cup kundër Brighton në ‘Amex Stadium’. /gazetametro.net