SHBA godet ishullin Kharg: Në shënjestër bazat ushtarake

Shtetet e Bashkuara të Amerikës kanë ndërmarrë sulme ajrore ndaj objektivave ushtarake në Ishullin Kharg të Iranit, një zonë me rëndësi të lartë strategjike për ekonominë e vendit, transmeton Gazeta Metro.

Sipas raportimeve të mediave ndërkombëtare, përfshirë BBC e Reuters, operacioni nuk ka pasur në shënjestër infrastrukturën e naftës, megjithëse ishulli konsiderohet një nga pikat kryesore për eksportin energjetik të Iranit.

Zëvendëspresidenti amerikan, JD Vance, konfirmoi se sulmet kanë qenë të kufizuara dhe të orientuara ekskluzivisht ndaj objektivave ushtarake, duke shmangur dëmtimin e kapaciteteve energjetike.

Ishulli Kharg përbën një nyje kyçe për industrinë e naftës iraniane, pasi aty ndodhet një nga terminalet më të mëdha të eksportit të naftës në vend.

Në zhvillimet e mëparshme, presidenti Donald Trump kishte lënë të hapur mundësinë e një angazhimi më të thellë ushtarak, përfshirë edhe dërgimin e trupave amerikane për të marrë kontrollin e ishullit./gazetametro.net