Loading…

ShBA të brengosur me Qeverinë e Kosovës, Haradinaj thotë se është shqetësuese deklarata e tyre

  • 31/10/2022 | 23:00

ShBA të brengosur me Qeverinë e Kosovës, Haradinaj thotë se është shqetësuese deklarata e tyre

Ish-Ministrja e Punëve të Jashtme, Meliza Haradinaj-Stublla përmes një postimi në Facebook ka reaguar pas deklaratës së zëdhënësit të Departamentit Amerikan të Shtetit, Ned Price lidhur me vendimin e fundit të Qeverisë së Kosovës për targat, transmeton Gazeta Metro.


Ajo ka thënë se çfarë tha Price para pak çastesh është një deklaratë shqetësuese, ndërsa citoi një pjesë të deklaratës së tij.

”Departamenti Amerikan i Shtetit përmes një konference direkte nga Washingtoni të Zëdhënësit Ned Price, posa lëshoi edhe një deklaratë shqetësuese rreth vendimit të fundit të Qeverisë së Kosovës për targat:
‘Ne kërkojmë shtyerje të plotë të vendimit për targat. Ne nuk kërkojmë shtyerje të pjesshme. Nuk na duhet implementimi me faza.’ – tha para pak minutash zëdhënësi Price,” ka shkruar Haradinaj-Stublla.

Sipas saj, për shkak të luftës në Ukrainë, dhe afërsisë së Serbisë me Rusinë, shihet qartë se Perëndimi dëshiron të mbajë sa më afër vetes Serbinë, kurse thotë se po mbyll sytë përpara shkeljeve të vazhdueshme që bëjnë shteti serb.

”Në reagim eklipsohet totalisht sjellja e Serbisë ndaj ZvKM Bislimi (shkelje flagrante e marrëveshjes për shkëmbimin e vizitave), si dhe instrumentalizimi i vazhdueshëm që Serbia ua bën serbëve të Kosovës duke i nxitur për dhunë, tensione, e mospërfillje ndaj organeve të rendit e sigurisë së Kosovës,” ka shkruar ajo.

Price në një konferencë për media tha se janë të zhgënjyer dhe të brengosur që Qeveria e Kosovës ka refuzuar kërkesën dhe këshillën e partnerëve më të ngushtë ndërkombëtar për implementimin e vendimit për targat. /gazetametro.net

Postimi i plotë:

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë