Loading…

SHBA’ja e miraton vaksinën për virus edhe për fëmijët 5 vjeç

  • 30/10/2021 | 10:08

SHBA’ja e miraton vaksinën për virus edhe për fëmijët 5 vjeç

Administra e Ushqimit dhe Ilaçeve në Shtetet e Bashkuara e ka miratuar vaksinën e kompanisë “Pfizer” për fëmijët e moshave 5 deri 11-vjeçare, duke e bërë vaksinën e parë kundër Covid-19 për fëmijë kaq të njomë në ShBA.

Vaksina do të jetë menjëherë e qasshme për këtë grupmoshë. Sidoqoftë, Qendrat për Kontrollimin dhe Parandalimin e Sëmundjeve duhet të këshillojnë se si do t’u jepet vaksina këtyre fëmijëve. Vendimi do të merret pasi një grup i këshilltarëve të jashtëm ta diskutojnë planin të martën.

Kompania “Pfizer” tha se të shtunën do ta fillojë dërgimin e dozave për fëmijë nëpër barantore, në zyra të pediatërve dhe në vende tjera ku mund të jepen vaksinat, shkruan Reuters, transmeton Gazeta Express.

Vendimi i Administratës së Ushqimit dhe Ilaçeve pritet që vaksinat t’i bëjë të qasshme për 28 milionë fëmijë amerikanë, shumë prej të cilëve janë kthyer në shkollë për mësimnxënie me prani fizike.

Vetëm një numër i vogël i shteteve tjera, përfshirë Kinën, Kubën dhe Emiratet e Bashkuara Arabe deri më tani kanë miratuar përdorim të vaksinave kundër Covid-19 për fëmijët e kësaj grupmoshe ose edhe më të vegjël.

Autoritetet amerikane e kanë autorizuar përdorimin e vetëm 10 mikrogramëve të vaksinës për fëmijët 5-11 vjeç, shumë më pak se 30 mikrogramët e autorizuar për fëmijët 12 vjeç e sipër.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë