Loading…
Shefi i Delegacionit të BE’së në Serbi: Taksa të pezullohet që dialogu të vazhdojë
  • 15/03/2019 | 20:50

Shefi i Delegacionit të BE’së në Serbi: Taksa të pezullohet që dialogu të vazhdojë

Shefi i Delegacionit të Bashkimit Evropian në Serbi, Sem Fabrizi, tha të premten se BE-ja është e përkushtuar për vazhdimin e dialogut për normalizimin e marrëdhënieve midis Beogradit dhe Prishtinës, por tha se është e domosdoshme që Kosova të heqë taksën e vënë mbi mallrat e importuara nga Serbia dhe Bosnjë e Hercegovina.


“Vënia e taksës ka qenë akt i njëanshëm dhe ky akt duhet të pezullohet që dialogu të vazhdojë”, tha Fabrizi për gazetarët në Beograd, raporton Shërbimi i Ballkanit i Radios Evropa e Lirë.

Ai shtoi se BE-ja e ka marrë mandatin nga Këshilli i Sigurimit i Kombeve të Bashkuara për të udhëhequr dialogun dhe se forma e tij nuk do të ndryshojë.

Qeveria e Kosovës, qysh në nëntor të vitit të kaluar, u ka vënë taksë 100% mallrave të importuara nga Serbia dhe Bosnjë e Hercegovina.

Bashkimi Evropian ka bërë vazhdimisht thirrje për heqjen e saj, ndërsa Shtetet e Bashkuara kanë thënë se taksa nuk është në përputhje me interesat amerikanë.

Kryeministri i Kosovës, Ramush Haradinaj, ka thënë se taksa do të mbetet derisa Serbia ta njohë pavarësinë e Kosovës.

Presidenti i Serbisë, Aleksandar Vuçiq, ka thënë se dialogu për normalizim marrëdhëniesh me Kosovën nuk do të vazhdojë derisa kjo taksë të jetë në fuqi.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë