Loading…

Shefi i tij e kundërshton, por Rasic thotë se ka propozim për Asociacionin

  • 25/01/2023 | 23:26

Shefi i tij e kundërshton, por Rasic thotë se ka propozim për Asociacionin

Me 31 janar, Ambasada Amerikane në Kosovë do jetë nikoqire e diskutimit për themelimin e bashkësisë së komunave me shumicë serbe.


Në këtë takim janë të ftuar liderëve të shoqërisë civile, zyrtarëve qeveritarë, liderëve politikë e diplomatë.

Pjesëmarrjen aty e konfirmuan edhe nga qeveria e Kosovës, saktësisht zëvendëskryeministrja Emilja Rexhepi e ministri Nenad Rashiq.

Ky i fundit tregoi për T7 se të martën e ardhshme do të jap një propozim për këtë çështje para zyrtarëve amerikanë.

Ndonëse shefi i tij vazhdimisht e potencon se është kundër asociacionit një-etnik, Rashiq thotë se ka diskutuar me të rreth kësaj teme.

Por kaq i gatshëm për të dhënë përgjigje që lidhen drejtpërdrejtë me interesin publik, s’është zëvendësi i parë i kryeministrit, Besnik Bislimi, pavarësisht tentimeve nga televizioni.

Një ditë më parë, kryeministri i Kosovës, Albin Kurti zhvilloi një bisedë me këshilltarin e Departamentit Amerikan të Shtetit, Derek Chollet, i cili i kërkoi të parit të ekzekutivit që të ecë përpara sa i përket Asociacionit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë