Shefja e BE-së, kërkon përmbushjen e kushteve për liberalizim të vizave

“Kosova ka arritur progres të mirë në luftimin e korrupsionit dhe ka përmirësuar këtë luftë, që është parakusht për viza. Por kjo nuk do të thotë se do të futet menjëherë në zonën shengen”, tha Apostolova, derisa shpalosi Raportin e Progresit për Kosovën të Komisionit Europian, në një konferencë në Prishtinë.

“Tani Kosovës i mbetet që të plotësojë edhe kushtin e parë që është marrëveshja e demarkacionit me Malin e Zi”, pohoi tutje ajo, duke sqaruar se BE-ja dhe Raporti i saj nuk do t’i ndëshkojë qytetarët e Kosovës për këtë marrëveshje, por ata që duhet ndëshkuar janë politikanët që nuk po marrin veprimet e duhura.

“Nëse duam të ndëshkojmë dikë, atëherë janë ata politikanë që nuk kanë marrë veprimet e duhura për përmirësimin e këtyre kushteve”, tha Apostolova./gazetametro.net