Shefja e BE’së takon Alternativën, flasin për Qeverinë e re

Sot në zyrat e Alternativës për takim ishte shefja e zyrës së Bashkimit Evropian në Kosovë, znj. Natalyia Apostolova me bashkëpunëtorë. Në këtë takim ajo u takua me Kryetaren e Alternativës Mimoza Kusari – Lila dhe Nënkryetarin Ilir Deda.

Tema e takimit, sipas Alternativës, ishte situata aktuale pas zgjedhjeve të jashtëzakonshme të 11 qershorit dhe domosdoshmëria e krijimit të institucioneve kredibile për të qeverisur në Kosovë, shkruan gazetametro.net.

Siç thuhet në komunikatën e Alternativës, Apostolova u njoftua me qëndrimet e deputetëve të saj, duke u bërë me dije edhe vizionin e tyre për Qeverinë e ardhshme.

Të dy palët u dakorduan se vonesat në krijimin e insitucioneve mund të shkaktojnë dëme Kosovës, të cilat jo vetëm qe mund ta zvogëlojnë kredibilitetin e zgjedhjeve, por edhe mund te shkaktojnë dëme të konsiderueshme ekonomike dhe financiare, si rrjedhojë e humbjes potenciale të fondeve te BE-së./gazetametro.net