Shënohet Dita Ndërkombëtare për të Drejtat e Njeriut

10 Dhjetori shënon Ditën Ndërkombëtare të të Drejtave të Njeriut.  Kjo datë është një përkujtim i Deklaratës Universale për të Drejtat e Njeriut e cila u miratua më 10 dhjetor të vitit 1948 nga Asambleja e Përgjithshme e Kombeve të Bashkuara.

68 vite më parë kjo deklaratë lindi si përgjigjje ndaj tmerreve të Luftës së Dytë Botërore dhe përfaqëson përpjekjen e parë globale për të artikuluar mbrojtjen e atyre të drejtave që shumë njerëz besonin se ishin të drejta themelore që i takojnë të gjitha qenieve njerëzore.

Për shënimin e kësaj dite në Kosovë, Nisma e të Rinjve për të Drejtat e Njeriut ka organizuar një aktivitet, në të cilën do të trajtohen tema si dhuna në shkolla, Segregimi në baza racore, qasja në edukim për personat me aftësi të kufizuara dhe disa tema tjera që lidhen po me këtë ditë./gazetametro.net/