Loading…

Shënoi në minutat e fundit ndaj Ballkanit në ‘Fadil Vokrri’, futbollisti i CFR Cluj pritet të mos luajë nesër

  • 02/11/2022 | 09:42

Shënoi në minutat e fundit ndaj Ballkanit në ‘Fadil Vokrri’, futbollisti i CFR Cluj pritet të mos luajë nesër

Skuadra e Ballkanit nesër në ora 18:45 luan ndeshjen e fundit në Conference League kundër CFR Cluj në stadiumin ‘Stadionul Dr. Constantin Radulescu’. Kampioni në fuqi i Kosovës nuk ka gjasa të kualifikohet për në fazën eliminuese, kurse klubi rumun luan ndeshjen vendimtare, transmeton Gazeta Metro.


CFR Cluj në fundjavë pësoi disfatë me rezultat 2-1 si mysafir i Rapid Bucurestit në Superligën e Rumanisë, mirëpo përveç humbjes u lëndua edhe një ndër lojtarët kryesor të saj, Yuri Matias.

Presidenti i klubit, Cristian Balaj gjatë një interviste deklaroi se janë duke pritur rëntgenin për qendërmbrojtësin, ndërsa kujtoi se kishte pasur dëmtim të ngjashëm në kohën kur ishte futbollist.

”Ne jemi duke pritur për rëntgenin, atij i dhemb shumë shpatulla. E kam vuajtur një gjë të tillë dhe kam qëndruar 4 muaj derisa më është ngjitur. Shpresoj të mos jetë i njëjti problem apo i të njëjtit nivel, të cilin e kisha unë,” kishte thënë të hënën Balaj për Fanatik.

Kujtojmë se Matias kishte shënuar golin e barazimit në minutat e fundit ‘Fadil Vokrri’ në ndeshjen e cila kishte përfunduar me rezultat 1-1.

Në anën tjetër, suharekasit janë në pozitën e fundit në grupin G me katër pikë. Derisa, CFR Cluj është në vendin e dytë me shtatë pikë aq sa ka edhe Slavia Prague. /gazetametro.net

‘CFR Cluj ne jemi duke ardhur’: Klubi i Ballkanit niset për në Rumani

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë