Shkuarja e Mustafës në Veri, është detyrë dhe obligim ligjor

Njohësi i proceseve politike, Belul Beqaj, ka  komentuar vizitën e Isa Mustafës në Veri të Kosovës. Ai për Gazetën Metro, ka thënë se është detyrë dhe obligim i tij ligjor, shkuarja në Veri, andaj nuk duhej të nënshtrohet veprimit ilegal.

“Sikur të ishte hera e parë, do të ishte ngjarje. Kështu, mund të thuhet se ngjarje është sjellja e  kryeministrit që i nënshtrohet veprimit ilegal në vend se të dëshmojë të kundërtën, që është e detyra dhe obligimi i tij ligjor.Nëse ndalimi i ministrit Hoti, kohë më parë, ka qenë ngjarje mediale dhe politike, ndalimi i kryeministrit është lajm”, ka thënë Beqaj.

Bllokimin e rrugës nga serbët e ka quajtur ngjarje që duhet përcillet me përgjegjësi e cila sipas tij po arsyetohet.

“Por, nënshtrimi i tij karshi serbëve që kanë bllokuar rrugën është ngjarje që duhet të përcillet me përgjegjësi ,e cila në vend se të kërkohet, po ‘arsyetohet’ nga kabineti tij duke theksuar se është fat që ka rrugë alternative?!”, ka përfunduar Beqaj./gazetametro.com