Shpella e Son Doong-ut

Një mbretëri e fshehur nëntokësore në Vietman, që askush nuk ka guxuar kohë të gjatë të futet brenda për ta shikuar, e zbuluar më tej se çfarë fshihet brenda saj, transmeton Gazeta Metro.

Në vitin 1991 një fermer i thjeshtë kaloi nëpër një shpellë të pashkelur më parë në Parkun Kombëtar “Phon Nha-Ke Bang” në Vietnam. Aty dëgjoi ulërima të tmerrshme të ujit që rridhnin nga hyrja e frikshme, dhe kështu u kthye nga frika, dhe nuk u fut më thellë.

Banorët lokalë e quajnë atë Shpella e Son Doong-ut, por asnjëri nga ta nuk guxuar të futet brenda e të zbuloj atë që fshihet brenda saj.

Në vitin 2009  një grup i shkencëtarëve britanikë të udhëhequr nga Howard Limbert, janë futur në shpellë, për ta zbuluar misterin e saj. Ajo që ata gjetën ishte një botë krejtësisht unike, pesë kilometra e gjatë dhe 150 metra e gjerë. Sipas tyre “Son Doong” është shpella më e madhe në planet, transmeton gazetametro.net

Ky vend i veçantë ka florën e vetë, faunën, liqene dhe madje edhe retë që depërtojnë në të. Për t’u futur aty ju duhet të zhyteni 80metra thellë me litar.

Në këtë shpellë nëntokësore ka një lumë brenda, me një rrymë relativisht të shpejtë. Ka edhe liqene të vogla, me ngjyra shumë interesante dhe disa plazhe të vogla.

Shpella përmban një pasuri të fosileve të lashta dhe stalaktite. Një xhungël me pemë të trasha e 3 metra të gjata. Këtu banojnë kafshë të llojeve të ndryshme, duke përfshirë majmunët, zogjtë, etj.

Shpella ka edhe kushtet e veta unike klimatike, retë formohen atje për shkak të një ndryshim të mprehtë në temperatura me botën e jashtme.