Shpërthen zjarri në IML: Ministria e Albulena Haxhiut del me detaje

Ministria e Drejtësisë me një njoftim në rrjetin social Facebook, kanë njoftuar se objekti i Institutit të Mjekësisë Ligjore është përfshirë nga zjarri, shkruan Gazeta Metro.

Zjarri ka rënë në orët e mbrëmjes të së shtunës thuhet në njoftim.

Aty kanë mbërritur ekipet e zjarrëfiksëve dhe policisë.

Njoftimi i plotë:

Në orët e mbrëmjes, jemi njoftuar që në ndërtesën e Institutit të Mjeksësisë Ligjore, ka shpërthyer një zjarr. Të menjëhershme kanë qenë intervenimet e zjarrëfikësve. Policia është në vendin e ngjarjes po ashtu edhe zv. Ministri, Blerim Sallahu.
Sipas informacioneve qe kemi aktualisht nga vendi i ngjarjes, nuk ka dëme që janë shkaktuar nga zjarri. Personat përgjegjës tashmë po merren me shkaqet e shpërthimit të zjarrit.