Shpërthime pranë hotelit ku qëndroi Macron në Damask, tregohet nëse e dëgjoi Presidenti

Dy shpërthime janë dëgjuar të martën në kryeqytetin sirian, Damask, pranë hotelit ku po qëndronte presidenti francez, Emmanuel Macron. Pas incidentit, autoritetet bllokuan rrugët përreth dhe shtuan masat e sigurisë, ndërsa në zonë u pa tym duke u ngritur, transmeton Gazeta Metro.

Sipas një dëshmitari për Reuters, shpërthimet u dëgjuan në afërsi të hotelit, ndërsa mediat shtetërore siriane raportuan se dy bomba shpërthyen pranë vendit ku Macron zhvilloi takimet e tij gjatë vizitës më 7 korrik.

Zyra e presidentit francez bëri të ditur se Emmanuel Macron nuk i kishte dëgjuar shpërthimet dhe se ai nuk është prekur nga incidenti. Deri më tani nuk janë raportuar viktima apo të lënduar.

Macron ndodhet në Siri për një vizitë zyrtare, ku u takua me presidentin sirian Ahmed al-Sharaa. Ai është udhëheqësi i parë i një vendi të Bashkimit Evropian që viziton Sirinë që nga rrëzimi i Bashar al-Assad në vitin 2024./gazetametro.net