Loading…

Shpërthimi në minierën e Bulqizës, rinisin kërkimet për minatorët e bllokuar

  • 05/02/2017 | 09:26

Shpërthimi në minierën e Bulqizës, rinisin kërkimet për minatorët e bllokuar

Një ditë pas shpërthimit të gazit të hidrogjenit në një prej minierave të Bulqizës, kanë rinisur sërish kërkimet për gjetjen e 3 minatorëve të bllokuar në galeri. ‘BalkanWeb’ mëson se kërkimet vijojnë në galerinë në nivel 21, ndërsa grupet e shpëtimit kanë arritur në nivelin e 14-të. Sakaq, raportohet se duhen edhe 1000 metra që grupet e kërkim-shpëtimit të arrijnë në nivelin 21, transmeton gazetametro.net.


NGJARJA

Tre minatorë kinezë u plagosën dje në minierën e kromit në Bulqizë si pasojë e shpërthimit të gazit të hidrogjenit në nivelin ku ata punonin. Ndërkohë tre shtetas të tjerë kinezë mbetën të izoluar në thellësitë e nëntokës, ndërsa fati i tyre nuk dihet fati i tyre. Burime zyrtare pranë kësaj miniere bënë me dije se ngjarja e rëndë ndodhi rreth orës 13:30 të ditës së djeshme, në nivelin 21, gjatë punimeve që po bëhen për hapjen e pusit të thellësisë që do të shtojë jetëgjatësinë e kësaj zone të pasur me burime natyrore.

Mësohet se investimi po kryhet nga kompania koncesionare “Albchrome”, përmes kompanisë kineze “Ëenzhou Mining Co Ltd”, e specializuar dhe e nënkontraktuar nga koncesionari për këtë shërbim. Menjëherë pas shpërthimit, tre minatorët e plagosur u dërguan në spitalin e Bulqizës, ku morën ndihmën e parë mjekësore. Sipas bluzave të bardha të këtij spitali, të plagosurit ndodhen jashtë rrezikut për jetën. Shpërthimi “vullkanik” në 2000 metra në thellësi të nëntokës ka shkaktuar dëme të mëdha materiale në minierën e kromit, ndërsa mësohet se nga pala shqiptare nuk ka pasur persona të dëmtuar. /gazetametro.net.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë