Loading…

Shqiptarët e sllovenët me koncert të përbashkët në Prishtinë

  • 06/03/2017 | 16:17

Shqiptarët e sllovenët me koncert të përbashkët në Prishtinë

Në maj të këtij viti, edhe Kosova do të jetë pjesë e një fushate kulturore që zhvillohet në shtetet e Evropës Juglindore.


Për këtë ka njoftuar ambasadori i Sllovenisë në Kosovë, Miljan Majhen, i cili në takim me zëvendësministrin e Kulturës, Rinisë dhe Sportit, Rexhep Hoti, sqaroi se Kosova është pjesë e kësaj fushate, në kuadër të së cilës pritet të mbahet një koncert me artistë nga Sllovenia e Kosova.

Të dy u pajtuan për organizimin e një ngjarjeje të këtillë në Kosovë, e cila është një mundësi që të përçohen vlerat kulturore të vendit tonë dhe të bëhet një promovim edhe më i madh i Kosovës në BE.

Ndërkaq, zëvendësministri Hoti e vlerësoi kontributin dhe bashkëpunimin që shteti slloven ka me Kosovën, dhe e çmoi konkretizimin e projekteve të përbashkëta kulturore. Ai shprehu gatishmërinë e MKRS-sëpër të promovuar vlerat kulturore të Kosovës përmes përkrahjes së organizimeve dhe nismave të ndryshme, që është edhe një prej politikave të ministrisë.

Ndërkohë edhe ambasadori slloven Majhen, e falënderoi zëvendësin Hoti për gatishmërinë e shprehur, që shkëmbimin e përvojave në aktivitetet dhe organizimet kulturore ta finalizojnë në projekte të përbashkëta konkrete. Ambasadori slloven e informoi zëvendësministrin Hotin për organizimin e një fushate kulturore e cila do të zhvillohet në fillim të muajit maj në shtetet e Evropës Juglindore ku përfshihet edhe Republika e Kosovës, si një rast për të transmetuar vlerat kulturore të rajonit të Ballkanit në Bashkimin Evropian./gazetametro.net

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë