Shqiptari 16-vjeçar përballë Messit, përfshihet në formacionin e javës në MLS

Një nisje që pak kush e priste, por që tani po bën xhiron e mediave sportive, 16-vjeçari Adri Mehmeti mori besimin si titullar në ndeshjen hapëse të sezonit me New York Red Bulls, duke treguar personalitet dhe qetësi përtej moshës së tij, transmeeton Gazeta Metro.

Mesfushori 16-vjeçar qëndroi në fushë për 76 minuta dhe ishte ndër më të dalluarit në repartin e mesit.

Ai kontribuoi drejtpërdrejt në suksesin 2-1 të skuadrës, duke dhënë një asist dhe duke qenë konstant në duele e në ndërtimin e aksioneve.

Paraqitja e tij nuk kaloi pa u vënë re nga Major League Soccer, e cila e përfshiu në listën e debutuesve më mbresëlënës të javës së parë. Një vlerësim që konfirmon se bëhet fjalë për një talent që premton shumë për të ardhmen./gazetametro.net