Shqiptari dehet për vit të ri dhe rrah brutalisht gruan shtatzënë
-
01/01/2017 | 21:28
Edhe pse jemi në orët e para të 2017, “zakoni i poshtër” i shqiptarit për të dhunuar gruan duket se nuk ka ndryshuar.
Këtë radhë protagonist është bërë një 32 vjeçar shqiptar i cili ka dhunuar gruan e tij shtatzënë.
Lajmi bëhet i ditur nga mediat italiane sipas të cilave, një natë përpara Vitit të Ri, 32-vjeçari nën efektin e alkoolit ka dhunuar fizikisht gruan në zonën e Padovas.
Siç e përshkruajnë mediat italiane, në fakt shqiptari e ka dhunuar brutalisht për një kohë të gjatë gruan e tij 27 vjeçare, pavarësisht se kjo jo vetëm ishte shtatzënë, por mbane në duar edhe foshnjën e tyre të parë.
Kjo ka bërë që si rezultat i dhunës, gruaja të mos e mbajë dot më fëmijën në krah dhe të rrëzohet.
E menjëhershme ka qenë ndërhyrja e karabinierëve që u lajmëruan nga fqinjët. 27-vjeçarja u dërgua në spitalin Cittadella për mjekimin e disa plagëve, ndërsa 32 vjeçari shqiptar u arrestua.
Share this:
